រិទ្ធីដាវដែក ពត៌មាន

ខេត្តកំពង់ស្ពឺ៖ប្រជាពលរដ្ឋជាច្រើនគ្រួសារអស់ជំនឿចិត្តលើលោកស្រីមេឃុំក្បាលទឹក ដោយសារតែរឿងស៊ីញ៉េទទួលស្គាល់ប័ណ្ណកាន់កាប់ដីជាន់គ្នាជាថ្នូរនឹងលុយរាប់សែនរៀល ចំពោះអ្នកមានលុយមានអំណាចវិញលោកស្រីមេឃុំយកមកអែបក្បែរខ្លួនជានិច្ច។ ជាក់ស្តែងកាលពីថ្ងៃទី១៨ខែឧសភាឆ្នាំ២០២០កន្លងទៅលោកស្រីមេឃុំក្បាលទឹកបានកោះហៅប្រជាពលរដ្ឋចំនួន៣នាក់ទៅសួរនាំរឿងតវ៉ា ប័ណ្ណកាន់កាប់ដីធ្លីទទួលស្គាល់ដោយលោកស្រីស៊ឹម រ៉ុន ស៊ីញ៉េ នៅថ្ងៃទី២៦ខែវិច្ឆិកា ឆ្នាំ២០១៨ ដោយមានទំហំ២០០០០ម៉ែត្រការ៉េ ជាប្រភេទដីកសិកម្ម ស្ថិតនៅក្នុងភូមិព្រៃផ្តៅ ឃុំក្បាលទឹក ស្រុកទឹកផុស ខេត្តកំពង់ឆ្នាំង ស្រាប់តែថ្ងៃហៅប្រជាពលរដ្ឋ ទៅប្រាប់ថាលែងទទួលស្គាល់ពួកគាត់ទៀតហើយ ដោយមានអ្នកមានលុយមានអំណាច គេកាន់កាប់មានប្លង់រឹងរួចរាល់អស់ហើយ។ ប្រជាពលរដ្ឋមានការងឿងឆ្ងល់ថាតើ លោកស្រី ស៊ឹម រ៉ុន មេឃុំក្បាលទឹក ស៊ីញ៉េជាន់ប្លង់ដីទៅវិញ?។មិនតែប៉ុណ្ណោះប្រជាពលរដ្ឋនិយាយថាក្នុងការស៊ីញ៉េប័ណ្ណកាន់កាប់ដីធ្លីនេះក្នុង១ប្លង់ លោកស្រីយកលុយចំនួន៣០ម៉ឺនរៀល ជាថ្នូរចេញប័ណ្ណ កាន់កាប់រាប់មានរយប័ណ្ណឯណ្ណោះ។ដូច្នេះពួកគាត់ធ្វើការសំណូមពរដល់ថ្នាក់ស្រុក ថ្នាក់ខេត្ត មេត្តាជួយពិនិត្យមើលទង្វើររបស់លោកស្រីមេឃុំនេះផងទាន។…

ស្ត្រីម្នាក់បានធ្វើអត្តឃាតលេបថ្នាំសម្លាប់ខ្លួនសង្ស័យប្រចណ្ឌប្ដីមានស្រី សៀមរាប៖ស្ត្រីម្នាក់បានធ្វើអត្តឃាតលេបថ្នាំសម្លាប់ខ្លួនបង្កឲ្យមានការភ្ញាក់ផ្អើលកាលពីវេលាម៉ោង០៣និង៤០នាទីថ្ងៃទី២៧ខែ ឧសភា ឆ្នាំ២០២០ ស្ថិតនៅក្នុងបន្ទប់ផ្ទះជនរងគ្រោះ ក្នុងភូមិ តាជេត ឃុំសំរោងយា ស្រុកពួក ខេត្តសៀមរាប។ លោកវរសេនីយ៍ឯក ទេព ពុំសែន អធិការនគរបាលស្រុកពួកបានឲ្យដឹងថាក្រោយទទួលបានព័ត៌មាន កម្លាំងនគរបាលប៉ុស្តិ៍ចុះពិនិត្យសាកសពនៅកន្លែងកើតហេតុ ដោយជនរងគ្រោះឈ្មោះ ម៉ក់ លីហ៊ាំង ភេទស្រី អាយុ២៥ឆ្នាំ រស់នៅ ភូមិ-ឃុំកើតហេតុខាងលើ មុខរបរនៅផ្ទះ។ តាមការពិនិត្យសពមានសភាពទន់អវយវៈ ស្លេកស្លាំង ពុំមានស្លាកស្នាមអ្វីពាក់ព័ន្ធនិងអំពើឃាតកម្មឡើយ នៅក្នុងបន្ទប់ដេករបស់សពបានបន្សល់ទុកថ្នាំកណ្ដាំបំពុលសត្វ០១កញ្ចប់។ តាមការបញ្ជាក់ពីក្រុមគ្រួសារសព និងប្តី ឈ្មោះ…

កំពង់ធំ=កម្លាំងកងរាជអាវុធហត្ថស្រុកស្ទោងចុះបង្រ្កាប់រថយន្ដដឹកឈើផ្ទះចាស់បង្កប់ឈើថ្មីដោយមានការបញ្ជាផ្ទាល់ពីលោកឧត្តមសេនីយ៍ត្រីហង្សថុល មេបញ្ជាការកងរាជអាវុធហត្ថខេត្តកំពង់ធំឲ្យចុះបង្ក្រាបការដឹកជញ្ជូនផលអនុផលព្រៃឈើដែលឆ្លងកាត់ខេត្តកំពង់ធំកាលពីវេលាម៉ោង៨ព្រឹក ថ្ងៃទី ២៦ ខែឧសភាឆ្នាំ២០២០ ដោយឈ្មួញដឹកឈើចេញពីខេត្តសៀមរាបឆ្លងកាត់ខេត្តកំពង់ធំទៅលក់នៅឯខេត្តស្វាយរៀង។ ប្រភពព័ត៌មានពីពលរដ្ឋនៅស្រុកជាំក្សាន្តបានឲ្យដឹងថា ស្តាយដឹកផ្ទះចាស់របស់ឈ្មួញគឺសុទ្ធតែឈើត្រាំទឹករួចហើយលើកយកមកវ៉ៃដែកគោលដើម្បីបំភ័ន្តភ្នែកសមត្ថកិច្ចដែលមិនធ្លាប់ដឹង តែថ្ងៃនេះបានបែកការណ៍ត្រូវបានកម្លាំងកងរាជអាវុធហត្ថស្រុកស្ទោងបង្ក្រាបបានតែម្ដង។ ម្ចាស់ឈើបានប្រាប់ឲ្យដឹងថា ខ្លួនបានបង់លុយឲ្យសមត្ថកិច្ចជំនាញរដ្នបាលព្រៃឈើគ្រប់អស់ហើយ ក្នុងនោះមាននាយផ្នែករដ្ឋបាលព្រៃឈើស្ទោងផងដែរ។ ក្រោយពីបង្ក្រាបរួចកំលាំងកងរាជអាវុធហត្ថបានបញ្ជូនរថយន្តដឹកបទល្មើសនឹងវត្ថុតាងទាំងអស់ប្រគល់ជូនមន្រ្ដីជំនាញផ្នែករដ្ធបាលព្រៃឈើស្ទោង ដើម្បីធ្វើការវាស់វែងទាំងឈើថ្មីនឹងឈើចាស់ បានចំនួនជាង៦ម៉ែត្រគូប បច្ចុប្បន្នវត្ថុតាំងទាំងឈើទាំងរថយន្ដរក្សាទុកផ្នែករដ្នបាលព្រៃឈើស្ទោង៕ ប៊ុនរិទ្ធី