រិទ្ធីដាវដែក ពត៌មាន

(កំពង់ធំ)៖ឯកឧត្តម សុខ លូ អភិបាលខេត្តកំពង់ធំនិងក្រុមការងារបានចុះសួរសុខទុក្ខនិងនាំយកអំណោយរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាចែកជូនប្រជាពលរដ្ឋចំនួន៨៦គ្រួសារដែលទទួលរងគ្រោះដោយជំនន់ទឹកភ្លៀងនឹងបន្តចុះចែកអំណោយតាមខ្នងផ្ទះបន្ថែមទៀតនៅស្រុកបារាយណ៍ ខេត្តកំពង់ធំ នារសៀលថ្ងៃទី១៦ ខែតុលា ឆ្នាំ២០២០។ ក្នុងឱកាសនោះឯកឧត្តម សុខ លូ បានផ្តាំផ្ញើរសាកសួរសុខទុក្ខពីសំណាក់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាដែលជានិច្ចជាកាលសម្តេចតែងតែផ្តាំផ្ញើរ និងយកចិត្តទុកដាក់ពីជីវភាពរស់នៅរបស់បងប្អូនប្រជាពលរដ្ឋជានិច្ចដែលពេលនេះបងប្អូនជួបប្រទះនូវគ្រោះធម្មជាតិ។ ឯកឧត្តមបានបន្តថាបន្ទាប់ពីទទួលបានព័ត៌មានពីអាជ្ញាធរដែនដីភូមិឃុំស្រុកអំពីការរងគ្រោះដោយជំនន់ទឹកភ្លៀងដែលលង់លិចផ្ទះសម្បែងនិងដំណាំកសិកម្មរបស់បងប្អូនភ្លាមឯកឧត្តមបានចុះមកដោយផ្ទាល់ដើម្បីជួយដោះស្រាយសម្រួលការខ្វះខាតចំពោះមុខនិងនាំយកអំណោយរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាជាជំនួយផ្គត់ផ្គង់ជីវភាពបងប្អូនប្រជាពលរដ្ឋ លោកយាយ លោកតា បានមួយរយ:ពេលដើម្បីឲ្យបងប្អូនមានឱកាសរកទទួលទានបានបន្ថែមទៀត ។ ឯកឧត្តមបានបន្ថែមទៀតថាថា រាជរដ្ឋាភិបាលបានយកចិត្តទុកដាក់ខ្ពស់ចំពោះប្រជាពលរដ្ឋរងគ្រោះទាំងអស់ដោយមិនទុកឱ្យនរណាម្នាក់ដាច់បាយនិងប៉ះពាល់ដល់អាយុជីវិតឡើយ។…

កំពង់ធំ=នៅព្រឹកថ្ងៃសៅរ៍១កើតខែកត្តិកឆ្នាំជូតទោស័ក ព.ស២៥៦៤ត្រូវនឹងថ្ងៃទី១៧ ខែតុលាឆ្នាំ២០២០ បញ្ជាការដ្ឋានតំបន់ប្រតិបត្តិការសឹករង កំពង់ធំយោធភូមិភាគទី៤នៅភូមិថ្នល់បែក ឃុំត្រពាំងឬស្សី ស្រុកកំពង់ ស្វាយ ខេត្តកំពង់ធំ ឯកឧត្តមឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានធ្វើការប្រកាសអាសន្នត្រួតពិនិត្យ កម្លាំង មធ្យោបាយសម្ភារៈសម្រាប់ត្រៀមបម្រុងចល័តអន្តរាគមន៍ជួយ សង្រ្គោះប្រជាពលរដ្ឋដែលរងគ្រោះដោយទឹកជំនន់នៅក្នុងខេត្តកំពង់ធំ។ ឯកឧត្តមឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំបានមានប្រសាសន៍ថា កម្លាំងសរុប៣០០នាក់ ត្រៀមចល័តគ្រប់គោលដៅ ដោយរងចាំបទបញ្ជាដើម្បីចល័តជួយអន្តរាគមន៍ សង្រ្គោះពលរដ្នរងគ្រោះ៕

កំពង់ឆ្នាំង;ក្រោមការបញ្ជាពីផ្ទាល់ពី ឯកឧត្តមសេនីយ៍ទោ ខូវ លី ស្នងការនគរបាលខេត្ត និងមានការសម្របសំរួលពីឯកឧត្ដម អ៉ិត សុធា ព្រះរាជអាជ្ញាខេត្តកំពង់ឆ្នាំង ដឹកនាំដោយលោកហ៊ុល វាសនា ស្នងការរងទទួលបន្ទុកគ្រឿងញៀន និងលោក ពៅ ស៉ីផាន់ ប្រធានការិយាល័យប្រឆាំងគ្រឿងញៀន សហការជាមួយកំលាំងនគរបាលស្រុករលាប្អៀរ បានបង្ក្រាបការចែកចាយគ្រឿងញៀន ២ករណី នៅឃុំគោកបន្ទាយ និងនៅឃុំស្រែថ្មី ស្រុករលាប្អៀរដោយ ឃាត់ជនសង្ស័យ ០៤នាក់ និងវត្ថុតាងថ្នាំញៀន ១២ កញ្ចប់ រួមនិងសំភារះមួយចំនួនទៀត ។ 1-ឈ្មោះ…

ខេត្តមណ្ឌលគិរី ៖ ទីបំផុត មេខ្លោងរុករានដីព្រៃនៅខេត្តមណ្ឌលគិរី ត្រូវសមត្ថកិច្ចតាមខ្លួនបាននៅឯខេត្តកំពត កាលពីថ្ងៃទី១៣តុលា ឆ្នាំ២០២០ រួចបញ្ជូនទៅសាលាដំបូងខេត្តក្រចេះ ដើម្បីបន្តនីតិវិធី ។ ប្រភពព័ត៌មានក្រៅផ្លូវការបានឲ្យដឹងថា មេខ្លោងរុករានដីព្រៃនោះ ជាមន្ត្រីយោធាម្នាក់ពាក់ស័ក្តិ៥ ជាមេដឹកនាំការទន្ទ្រានដីព្រៃនៅចំណុចភ្នំរហាំ ក្នុងភូមិពូឆបឃុំដាក់ដាំ ស្រុកអូររាំង ខេត្តមណ្ឌលគិរី បានត្រូវចាប់ខ្លួនជាមួយអ្នកពាក់ព័ន្ធ៤នាក់ទៀត ក្រោយពីគណៈកម្មការជាតិដើម្បីទប់ស្កាត់និងបង្ក្រាបបទល្មើសព្រៃឈើ បើកការស៊ើបអង្កេតទ្រង់ទ្រាយធំ និងស្រាវជ្រាវរកឃើញអ្នកពាក់ព័ន្ធជាង១០នាក់ ។ ប្រភពដដែលបន្តថា ក្នុងសំណុំរឿងដ៏កក្រើកនេះ គណៈកម្មការបានរកឃើញមានអ្នកពាក់ព័ន្ធជាង១០នាក់ ឃាត់ខ្លួនបាន៥នាក់ហើយ ឯអ្នកនៅសល់ពីនេះកំពុងគេចខ្លួន ហើយភាគច្រើនពួកគេជាមន្ត្រីរាជការ និងកងកម្លាំងប្រដាប់អាវុធ។ មេខ្លោង…

កំពង់ធំ =លោក ជូ កុល្លា ប្រធានមន្ទីរសាធារណការនិងដឹកជញ្ជូនខេត្តកំពង់ធំ សហការជាមួយ លោក ណែត សារីអភិបាលស្រុកស្ទោង ចុះរំដោះទឹកក្នុងឃុំបន្ទាយស្ទោង ដែលកំពុងជន់លិច ផ្ទះសម្បែង ផលដំណាំ និងផ្លូវក្នុងខេត្តលេខ 264d ដោយយកអេស្កាវ៉ាវ៉ាទ័រកាយជីកកន្លែងលូដែលកកស្ទះនៅរសៀលថ្ងៃទី ១៦ ខែតុលា​ឆ្នាំ២០២០។ លោក ជូ កុល្លាបានមានប្រសាសន៍ថា សុំសំណូមពរដល់បងប្អូនប្រជាពលរដ្ឋ សូមកុំចាក់ដី ខ្ពស់ជាងថ្នល់ និង ចាក់លប់ ប្រពន្ធលូដែលជាផ្លូវបង្ហូរទឹកដ៏សំខាន់ជាហេតុធ្វើអោយកកស្ទះ និងបង្កជាទឹកជន់លិចថ្នល់ជាតិ និងភូមិឋានព្រមទាំងផលដំណាំរបស់បងប្អូន។

កំពង់ធំ៖ រដ្ឋបាលខេត្តកំពង់ធំ បានសម្រេចផ្អាក់ការធ្វើចរាចរណ៍រថយន្តដឹកទំនិញធុនធំគ្រប់ប្រភេទ នៅលើកំណាត់ផ្លូវខេត្តលេខ២៦៥បេ, ២៧១៨, ២៦២០, ២៦៤ដេ, ២៦៤៥១ និងផ្លូវជាតិលេខ ៥០សេជាបណ្តោះអាសន្ន ចាប់ពីថ្ងៃជូនដំណឹងនេះតទៅ រហូតដល់មានការជូនដំណឹងជាថ្មី ក្នុងគោលបំណង ដើម្បីចូលរួមថែរក្សា ផ្លូវ ស្ពាន និងធានាដល់សុវត្ថិភាពបងប្អូនប្រជាពលរដ្ឋ ក្នុងការធ្វើចរាចរផងដែរ។ តាមសេចក្ដីជូនដំណឹងដែលបណ្ដាញព័ត៌មានយេីងទទួលបាននៅថ្ងៃទី១៦ ខែតុលា ឆ្នាំ២០២០នេះ បានបញ្ជាក់ថា ការផ្អាកធ្វើការចរាចរណ៍ រថយន្តដឹកទំនិញធុនធំគ្រប់ប្រភេទនេះ ដោយសារស្ថានភាព គ្រោះទឹកជំនន់ទឹកភ្លៀង បាននឹងកំពុងជន់ឡើងយ៉ាងខ្លាំង បណ្តាលឲ្យទឹកលិចកំណាត់ផ្លូវខេត្ត និងផ្លូវជាតិមួយចំនួន នៅក្នុងភូមិសាស្ត្រខេត្តកំពង់ធំ។…

(កំពង់ធំ)៖ ផ្ទះពលរដ្ឋ០១ខ្នង ដែលស្ថិតនៅភូមិត្នោត ឃុំកំពង់ចិនជើង ស្រុកស្ទោង ត្រូវអគ្គីភ័យឆាបឆេះអស់ទាំងស្រុង កាលពីវេលាម៉ោង ២ និង ០០នាទីយប់ ថ្ងៃសុក្រ ១៤រោច ខែអស្សុជ ឆ្នាំជូតទោស័ក ព.ស២៥៦៤ ត្រូវនឹងថ្ងៃទី ១៦ ខែ តុលា ឆ្នាំ ២០២០ មានករណីអគ្គិភ័យឆេះផ្ទះចំនួន០១លើកស្ថិតនៅភូមិត្នោត ឃុំកំពង់ចិនជើង ស្រុកស្ទោង ខេត្តកំពង់ធំ ។ ម្ចាស់ឈ្មោះ ផាន់ ឈាង ភេទប្រុស…