សិប្បកម្មកែច្នៃឈើជាច្រើនកន្លែងសង្ស័យគ្មានច្បាប់
ខេត្តឧត្តរមានជ័យ= រោងសិប្បកម្មកែច្នៃឈើជាច្រើនកន្លែង ដែលគេសង្ស័យថា គ្មានច្បាប់កំពុងតែអាជ្រៀក កែច្នៃយ៉ាងគគ្រឹកនៅក្នុងភូមិត្រពាំងប្រាសាទ ស្រុកត្រពាំងប្រាសាទ ខេត្តឧត្តរមានជ័យ មិនដែលឃើញមន្ដ្រីជំនាញចុះបង្ក្រាបសោះឡើយ ។ពលរដ្ឋរិះគន់ថាអ្នកដែលអាចបើកសិប្បកម្មបានសុទ្ធសឹងតែជាខ្សែស្រឡៃមន្ដ្រីជំនាញក្រោមការគ្រប់គ្រងរបស់លោកជៀលសុផល នាយសង្កាត់រដ្ឋបាលព្រៃឈើតំបន់នោះ។ ក្រុមការងារសារព័ព៌មានបានចុះទៅថតផ្ដិតយករូបភាពសិប្បកម្មកែច្នៃ ជាច្រើនកន្លែងដោយពិនិត្យឃើញមានម៉ាស៊ីនជ្រៀកឈូសឈើតាប់តូចធំជាច្រើន មានឈើជាច្រើនម៉ែត្រគីប ឈើសន្លឹកមុខកាត់ធំៗជាច្រើនសន្លឹក និងមានក្រុមជាងជាច្រើននាក់ កំពុងអាជ្រៀក លាន់ឮសម្លេងទ្រហឹងស្ទើរបែកត្រចៀក បែរជាមន្ត្រីគ្រាប់ល្ពៅទាំងនោះធ្វើមិនដឹងមិនឮទៅវិញ។ប្រជាពលរដ្ឋសម្ដែងការហួសចិត្តយ៉ាងខ្លាំងចំពោះលោក ជៀល សុផល នាយសង្កាត់រដ្ឋបាលព្រៃឈើ ស្រុកត្រពាំងប្រាសាទ គួរណាស់ចុះបង្ក្រាប ហេតុអ្វីមិនបង្ក្រាប បែរជាទុកបទល្មើស សិប្បកម្មកែច្នៃឈើបំផ្លាញព្រៃឈើនិងធនធានធម្មជាតិបានយ៉ាងរលូនរាប់ឆ្នាំបែបនេះទៅវិញ។ ប្រជាពលរដ្ឋសូមសំណូមពរទៅឯកឧត្តម ឌិតទីណា រដ្ឋមន្ត្រីក្រសួងកសិកម្មរុក្ខាប្រមាញ់និងនេសាទ កុំមើលតែបទល្មើសនេសាទតែមួយជ្រុង…